Tula: PASKONG HILING
ni Sanyto P. Sederia
Nais kong ibahagi sa karamihan
Ang kwento at katagang binitiwan
Na tumatak sa aking puso’t isipan
Ng isang bata sa tambakan
Sasapit na naman ang pasko
Itong panahon dapat masaya ako
Totoo bang may santang naghahatid ng regalo
O di kaya sa batang mayaman lang ang pasko
Habang hawak ko ang pangahig at sako
Ang iba’y naghahanda na sa darating na pasko
Sa ilalim ng Christmas tree ay puno ng regalo
Ako nama’y naghahanap ng Bote, Bakal at Dyaryo
Sana meron ding pasko
Sa mga batang tulad ko
Kaming maagang namulat sa pagbabanat ng buto
Sana ay may darating na pasko
PASKONG HILING
ni Sanyto P. Sederia
Tula
Walang komento:
Mag-post ng isang Komento