Tula: BAWAT TAGAKTAK NG PAWIS
ni Gregorio V. Bituin Jr.
(11 pantig bawat taludtod)
bawat tagaktak ng pawis ay tandang sipag at tyaga ng manggagawa
bawat tagaktak ng pawis ng dukha
tanda ng isang kahig isang tuka
ngunit ang pawis ng kapitalista
ay tanda ng tusong tatawa-tawa
muli na naman siyang nakaisa
at dumaming muli ang kanyang pera
may dahil bawat tagaktak ng pawis
merong api, merong bumubungisngis
merong salat, merong kabig ay labis
nasang ang problema nila’y mapalis
ngunit kung pawis ay may halong dugo
habang binubuhay ang maluluho
mag-aaklas na sila nang mahango
sa dusa silang lagi nang nakayuko
(11 pantig bawat taludtod)
BAWAT TAGAKTAK NG PAWIS
ni Gregorio V. Bituin Jr.
Tula
Walang komento:
Mag-post ng isang Komento